私隱政策

最後更新日期：2026 年 9 月 4 日

呢版寫明 OUJI 收集你啲咩資料、用嚟做乜、同埋你有咩權。我哋盡量寫到短。

1. 我哋收咩

落單嗰陣：姓名、送貨地址、電話、電郵。
付款：信用卡資料由 Shopify 直接處理，OUJI 睇唔到亦唔會儲存你嘅卡號。
開帳戶（自願）：電郵、訂單紀錄、心願單。
聯絡我哋：你主動提供嘅姓名、電郵同訊息；聯絡表格只會先喺你部裝置整理文字，確認後先由 WhatsApp 傳送。
瀏覽網站時：頁面、商品及按鈕互動、購物流程事件、來源網址、廣告點擊識別碼，以及瀏覽器同裝置基本資料。

2. 用嚟做乜

處理同寄出你嘅訂單、回覆查詢、處理退換貨、維持網站正常運作；亦會用嚟分析網站表現、找出載入或操作問題，以及量度 Google、Meta 等廣告成效。除非你主動訂閱，否則唔會因為瀏覽網站而收到 OUJI 推廣訊息。

3. 會畀邊個

完成訂單所需資料會交畀 Shopify（網店及付款平台）同 順豐速運（送貨）。網站互動資料亦會交畀 Google（Analytics／Ads）、Meta（Pixel）同 Microsoft（Clarity）處理；各服務會按自己嘅私隱政策處理資料。除此之外，只會喺法律要求下披露。
OUJI 唔會出售、出租或者交換你嘅個人資料。

4. 存幾耐

訂單紀錄按香港稅務及會計要求保留 7 年。帳戶資料保留至你要求刪除為止。分析及廣告平台資料會按相應平台設定及政策保留；OUJI 會定期檢視，唔會自行匯出後無限期保存。

5. Cookie

網站會用必要儲存功能記住購物袋及登入狀態，亦會使用 Google Analytics、Google Ads、Meta Pixel 同 Microsoft Clarity 嘅 cookie／類似技術，分析網站表現、找出操作問題及量度廣告成效。你可以透過瀏覽器設定限制或清除 cookie；關閉必要 cookie 可能令購物袋或登入功能無法正常運作。

6. 你嘅權利

根據香港《個人資料（私隱）條例》，你有權查閱同改正我哋持有嘅你嘅個人資料，亦可以要求刪除。電郵去 info@oujikbeauty.com，我哋會喺 40 日內回覆。

7. 聯絡

OUJI · 觀塘觀塘道 472–480 號觀塘工業中心一期地下 B 舖
info@oujikbeauty.com