私隱政策

最後更新日期：2026 年 8 月 8 日

呢版寫明 OUJI 收集你啲咩資料、用嚟做乜、同埋你有咩權。我哋盡量寫到短。

1. 我哋收咩

落單嗰陣：姓名、送貨地址、電話、電郵。
付款：信用卡資料由 Shopify 直接處理，OUJI 睇唔到亦唔會儲存你嘅卡號。
開帳戶（自願）：電郵、訂單紀錄、心願單。
瀏覽網站：頁面瀏覽紀錄同基本裝置資料，用嚟維持網站運作。

處理同寄出你嘅訂單、回覆查詢、處理退換貨、維持網站正常運作。除非你自己訂閱，否則唔會收到推廣電郵；訂閱咗都可以隨時取消。

只會畀為咗完成訂單而必須知嘅一方：Shopify（網店及付款平台）、順豐速運（送貨，只提供姓名、地址、電話）、以及法律要求披露嘅情況。
我哋唔會出售、出租或者交換你嘅個人資料。

訂單紀錄按香港稅務及會計要求保留 7 年。帳戶資料保留至你要求刪除為止。

網站使用必要嘅 cookie 嚟記住你嘅購物袋同登入狀態。關咗嘅話購物袋會用唔到。我哋冇用廣告追蹤 cookie。

根據香港《個人資料（私隱）條例》，你有權查閱同改正我哋持有嘅你嘅個人資料，亦可以要求刪除。電郵去 info@oujikbeauty.com，我哋會喺 40 日內回覆。

OUJI · 觀塘觀塘道 472–480 號觀塘工業中心一期地下 B 舖
info@oujikbeauty.com